غضّ النظر يا ناعس الطرف تكفى=مالي على سحر العيون احتمالي
انا اشهد ان الطرف كفّى ووفّى=تلّ امعلوق القلب باوّل وتالي
لله درّك كيف جرحي بيشفى ؟=وانته تصيب بعينك ولا تبالي
جرح ٍ فوسط القلب ما عاد يخفى=ليتك تشوفه كيف سوى بحالي
حسن الدلال اللي على الحسن أضفى=كل الوصايف يا حسين الدلالي
لو كان لي في بحرك اليوم مرفى=حيبه بشير السعد يوم انت فالي
يا كيف انا في حبك اليوم بعفى=وانته سبب جرحي وكل ما جرالي
من شفت عينك حرّم الطرف يغفى=واموت اموت ان مر طيفك فبالي
_________________
الإثنين مايو 26, 2008 6:43 am